老平

以下的文章之前都有出現過係其他回應，再獨立出post，目的希望大家多些討論及給新手多個參考資料，當然也想藉這個機會做一個個人簡單對各牌子的概括！以下純個人意見，不喜歡勿插！
新手買機前，也請比小小耐性睇睇，好過成日出埋d無聊投票。

利益申報，我本身係$ony 用家！

我有friend係用緊canon, om 及nikon，我都問過佢地借過部機玩下，由於只用過這四間廠的機，所以comment也只有這四間廠 。得出的個人睇法如下(不喜勿插)！
新手買機，希望各位有時間，可以比多少少耐性睇一睇

先講canon。

對焦:  
佢個對焦速度真係快，但正如前面的師兄所言，由於軟件的配合問題，所以導致容易出走焦情況，也是我幾個用canon的friend的一致意見！

鏡頭:
canon 鏡頭群大係出晒名，尤其係大光圈鏡中/長炮，但是有一點大家需要注意！佢同一款鏡，有時最少有兩個版本，IS(防震)版 及non-IS 版，usm版及non-usm版。所以買鏡時係需要注意。在鏡頭質素方面，電視機都有話啦" Lens for professional 紅圈白鏡，極速對焦。"，每家品牌都有佢地走高檔貴價鏡及 普通平民化的鏡頭。canon的紅圈鏡的解像能力，不使我多講！但個價錢就...，都唔使我多講。但佢地的普通鏡質素，對比起nikon 就真係好普通！

相片:
現在是數碼時代，銳利度，色濃度等等都可以自己係相機到set，因此我所有比較都係排除了鏡頭質素影響及以standard mode做基準去睇！
就canon而言，樓主認為係nikon偏灰，但我反而覺得係canon，之前同一個用40D的師兄交換過相睇過，大家同一setting下，佢比我的更淡色一點！有d師兄就話conan咁做係為左方便大家後製喎！我就真係唔知囉，我個人好懶，唔多喜歡後製，尤其係每次外影都話緊影幾百張相時，要我大部份都後製？你製埋我那份好啦！而高iso 的noise contral方面，canon真係出晒名強，如果係經常用高iso ，go for canon！

機身方面及性價比:
如果同其他牌子比起來，個人覺得真係貴小小，而且質素唔見得真係好人好多。但始終每個人的喜好及負擔能力不同，不能單單以性價比去睇，可能我係男仔，隻手大d，所以如果以450d/400d/1000d來講，手感真係差小小，如果加埋直倒會好一點，但40/50d 以上機級數的機種就好得多。

操控性:
這是很個人的習慣，用慣邊個牌子的機當然會覺佢易用啦！但對於DSLR新手而言，canon個system比其他牌子多一點點的適應期，簡單d來講就係唔易上手！之後用慣又係一回事。
結論：對於愛影sport, 雀鳥 或一些記者而言，canon係一好的選擇，尤其因為佢大部份紅圈鏡及貴價機都係防水防入塵功能，對於經常面對突發事件的記者來講是相當重要。但是對於一般入門，除了鏡群大，多人用方便借鏡及交流外，我真係睇唔出佢有咩吸引力。當然如果你又想平平地玩conan 系統的話450D也是一個不錯的選擇。


實用相關搜尋: 軟件 Canon 電視

老平

Comment of Nikon

對焦:
對焦速度及點數，真係Nikon的強項，51點多區域自動對焦，真係現在無人能比，這個功能尤其用於追焦上是很好用的，所以近年很多記者原本係canon的fans都轉左會去nikon，唔多唔會少都係這個原因。問題係51點自動對焦點只會出現在d3x/d3/d700/D300 這些講緊過萬的相機。雖然如此，d90的十一點自動對焦也是不弱的，但d60得三點就差少少，好多師兄會話，三點夠晒數啦！好多時都係用中間一點，而且除左中間之外，其他焦點的準確度都係一般！ 哈哈，就個人而言，我覺得最少起碼要有九點，起碼在構圖及選擇上個多d及彈性d，待到用時方恨少(對焦點)。所以我覺得唔好廢話啦！什麼對新手3點就夠? 咁試問點解d90要做11個對焦點出來? for what? 自己諗下啦！不過話雖如此，我覺得nikon的對焦速度真係快同準，盡管係入門級的D60都係，這點我係肯定的！

鏡頭:
Nikon的貴價鏡的解像力，唔使我多講。老實講，就算佢入門級的kit鏡也絕不失禮，因此，現在有不少師兄說，要玩平價而質素ok的鏡頭的話，go for Nikon, 我覺有少少認同！佢地d鏡頭有個特性，就相對飽和度及?利度比其他品牌高，而ssm 鏡也不見得貴佷多。NIKON本身也不少大光圈長炮系列，所以對於喜愛生態攝影及動態攝影人來說也是其中一個好選擇。

相片:
相片sharp 及飽和度高係佢一慣的風格，這個也是基於standard setting，但得出這個結果的原因我想是因為鏡頭特性導致，大家可以看下canon同 nikon 的VF的已經見到分別！但個人覺得，佢背光下 暗位會偏紅，而入門級機好似d60/d80 當用到iso 1600時，佢地d微粒比會比較粗！但在high iso, 的noise contral，其實還是可以接受的，是有能力與canon掙一日之長短。

機身方面及性價比:
以往Nikon 在機身performace 及價錢上，不知有意還是無意！都比對心高少少，避免與canon造成直接的競爭，很人會說Nikon 同級機Nikon用料足，但不要忘記，佢也是貴一截，所以我唔覺得係有數，這只是"交足貨"己矣，而非真係好抵！Nikon 的機身定位也難以與同級比較，原因之前講左。以機身而言，我個認為D80/90比D40/D60更為可取，兩者大概最大的不同只是少了機身鏡頭馬達及11點與3點對焦點的分別！D40/60 只能用AF-S，即鏡頭內置馬達的鏡頭，才有自動對焦。那又會有一些用家駁我，指鏡頭內置馬達係大勢所向，nikon未來的鏡頭都多數是這樣。問題是，現在還是未那麼普及，而且一般價錢也是比較貴的，如果用回F卡口的鏡頭，就好乖乖練一練手動對焦技術吧。那條數不要說多，Nikon 那支50 F1.8 真係夠平，八百幾蚊已經有交易，但落在D40/60身上，就已經要手動對焦，要50mm又要自動對焦嗎? 請買新版50mm f1.4 ，索價4千幾銀，那在購買鏡頭時，那差價已經回了本！而且對焦點三點！你話夠用咪夠用囉！對於新手學單反但要平平地玩nikon，d40/60也不失為一部值得考慮的入門機，最起碼支18-55 kit鏡都見得下人。

操控性:
對於新手是不難掌握，應該話易上手，因為佢主要的常用制都安排得不錯，而對焦點轉換也算簡單，用慣其他品牌單反的師兄，相信要上手也不會太難！

結論！
Nikon與Canon這兩間老大哥，今天能夠站得住陣腳成為各單反攝影人心中專業，也是有一定的實力及相似的地方，如鏡頭群大，大光鏡長炮很多焦段都有，有配合記者需要的相機，與及相對比較齊的原廠/副配件等。但對於新手來說，我個人認為如果銀兩夠，最好還是入D80/D90，如果想平平地nikon單返的初心者，D40x/D60也是不錯的選擇。


實用相關搜尋: 工人 Canon 交易

老平

Comment for OM (Olympus)
對焦
對焦速度上算是很快的，不過只限於E-3，其他機如E520/420，如非用SWD鏡頭，對焦更速度更是一般。之前用E-420更經常出現迷焦的情況，可能我唔太識用呱。

鏡頭:
OM 系統與之其他系統最大的分別佢係用4/3 System，而佢個焦距倍數率係乘2，著係一支35mm鏡用在佢身上，就會變左70mm，但以鏡頭來說，佢地OM鏡一d都唔差，而且成像銳利度不比nikon更低，部份更比NIKON好，而且當中不缺乏大光圈鏡頭。不過OM鏡一向出鏡都比較慢，而且可能支支新鏡質素都唔差，所以佢地d鏡個價都相當高！雖然如此，佢平價鏡，質素也是不俗的，四家中的kit價，以銳利度來計係四家中最好的一支！但當再想買其他鏡時，身上就需要大量的銀兩呢！同時原廠鏡頭群就相對比較細，但一般常用的焦段都有。順帶一提，佢係可以兼容到Panasonic 的鏡頭 (有pan仔Leica)。
相片:
OM個tone 個人感覺係偏紅，Noise Contral上也是一般，不算得上十分理想，尤 其在iso800 或以上。
機身及性價比
如果以機身方面，OM係抵玩，以E520為例，kit set價比NIKON/CANON同級的 D60及 450D更平，但已經有埋機身防震及Liveview，順帶一提，OM係DSLR liveview其中一個最早應用的廠家，加上kit鏡方面質素可以接受，所以絕對是一個不錯的選擇，個人來說，E520的手感比E-420更好，E420感覺是很適合於影snap shot的款式，因為夠細部。不過，對焦點也只得三點，個人感覺有少少不足。4/3系統有個通病，相對135格式的相機而言，個深淺景感覺在同一焦距及光圈下，無咁強烈！另外，晒相時，也會出現"cut 邊"的情況。 在升級來說，暫時一步到位係E-3，而根據我個om影友所言，也暫時只有E-3能夠完全發揮其旗下SMD鏡頭的對焦實力！最近知道佢將出一部中階的簡化版e-3，即E-30，其表現令人期待。

操控性:
如果對於平時用開canon/nikon的用家們，佢個系統可算是比較"另類"一點！個人感覺係有少少似canon。不過本人對於佢最不習慣的地方係在對焦模式及對焦點的選擇不夠直接。

結論:
如果唔介意4/3系統，唔介意深淺景效果不夠其他品牌強烈的話，OM機實在是一個不錯的選擇，最起碼，佢出d鏡，雖然唔係什麼 "Lens for professional", 什麼 "紅圈白鏡，極速對焦"，也沒什麼小黑, 小灰等，但鏡頭實力容不能看扁，不過，當然大前提係，閣下需要有足夠的銀兩！


實用相關搜尋: Canon

老平

最後講$ONY
SONY打從06年從MINOLTA接過相機部門後，憑著三年的時間，已經擠身單反第三大廠，其成績實非單單的成功宣傳攻勢。

對焦:
如果講對焦，SONY/minolta機真係無得比，要對焦快，please canon/nikon。以中央對焦的準確度來講，A700/A900成功率比其他廠高，不過如果講到追焦等，都係唔夠C/N兩間大廠玩！而以入門級機來說，SONY 的A200/A3X0系列的對焦速度，也算是普通，當然，如果用上ssm鏡頭當然會快d，不過支鏡又會貴d。對焦點，就算最平的A200也已經有九點跟CANON的450D相約，但準確度一般

鏡頭:
在很多人眼中，尤其係唔少依兩年才接觸單反的影友眼中，SONY鏡頭係有三大印象: 1. 鏡頭價錢貴；2.只有蔡司鏡才叫好東西，而且還只是日本"菜"；鏡群細，二手無咩鏡可以買。
我想在這裡做小小的平反，請你地些覺得自己用緊c/n而覺得自豪的師兄們，要道人家不是，唔該比多少少時間去了解左人地d野先，唔好唔頭唔知路就亂咁話人地d野唔好，唔好成日覺得C/N先係最好！
入返正題，正如大家所知，佢d鏡真係唔會太平，而且大光圈長炮真係不足，ssm鏡的鏡的數量也不多，而且係偏貴，這個係事實！但我想講，玩sony唔係只得蔡司可以選擇，的確，蔡司鏡無論，成像?利度，立體感及色濃度都有相當好的表現，但價錢也是比較貴的！另外sony的G系列鏡頭也是成像質素的代表！二手方面，minotla鏡頭也有少好東西，玩了一段，再根據自己需要購入，不過由於sony DSLR近年的成功，也導致部份二手鏡成了搶手貨，所以相對其他牌子的二手東西難買，不過，有時買鏡真係要睇緣份的！minolta的鏡頭其銳利度及飽和度沒有nikon或canon那麼高，不過佢強調的"忠實"的顏色已矣，而舊鏡的油潤散景，也是特色之一！不過講到minolta/sony不得不提其獨門鏡頭。分別係自動對焦的500mm f.8 反射鏡，135mm STF(Smooth Trans Focus), 又稱散景王，及minolta  100mm F2.8 Soft Focus 這三支。

相片:
sony/minolta機的色tone係小小偏黃，而noise contral方面，相對也沒有nikon及canon那麼好！

機身及性價比:
以單價及性價比而言，sony機係出晒名高，A3X0系列更為現時最佳的Liveview設計，但為左就左liveview senor，所以個取景器就細左，始終針係無兩頭利！如果唔需要liveview，a200對於近手會是一個很不俗的選擇，但跟機的kit鏡，成像真係非常一般。升級方面，A700及full fame的A900也是不錯的選擇呢！
操控性方面:
其實四間廠中，最易上手，也比較方便，可以話係sony機個system，因為佢很多setting都可以直接了當。當然用開其他品牌，用sony野唔慣也是佷正常的事！

結論:
記得有位師兄在其他版到過，要對焦速度快，要高iso 低noise， 唔好用sony。這位師兄本身都係sony用家，其實我都幾認同。


實用相關搜尋: 設計 宣傳 Sony Canon

老平

總結:
每家牌子，每一部機都自己本身的問題，世上沒有完美的相機，我們選擇的，是根據自己荷包的能力去選擇自己認為適合的相機，而非單純的品牌崇拜，或單單只是道聽途說。始終相機只是工具，最終是否影到靚相，係要睇按快門的人，而非相機的好壞。此外，常常有人師兄話，影人go for canon，影 景 go for nikon，咁其他品牌go for what? 我個人覺得就any creama  go for anything ，唔代表你用nikon影人唔好靚，用om影出d 景就差人一截，就算真係差，都係攝影師問題，唔係懶落部機到。與此同時，很多人都會把noise contral成為買機的考慮之一，我想講的話，其實每部機個ISO當過左400之後，其相片畫質下降及噪點的出現是必然會發生的事，問題係邊個看落些少，而我自己就多數唔會用高過ISO400，我希望的是，在選購相機時，唔好只睇iso表現就定了相機生死，這也是很多我見新手常有的買機通病，要知道部相機除左iso 的noise contral外，還有其他很重要的功能，而不應被忽略的！更何況高iso ，low noise也不能萬能的！出來的效果遠不及大光圈鏡(雖然很貴) 。另外見過有d師兄好攪笑，以記者用咩牌子的的相機來做買機的準則，我想講的是，記者有時跟我們所需要的東西是不同的，適合記者用，唔代表一定適合我地用！佢地用，唔代表一定係profreeional，我見過一個記者影人像，真係有只有"正確曝光" 無其野好講........。因此記者用機也非我們選購相機的準則！

而近排我經想反思一個問題，有時影相，是否一定要sharp呢? 是否其他因素或感覺比sharp更為重要呢? 無耐在這個數碼年代，個個都喜歡 "聞相" 的喜好，個個都問邊支鏡，邊部機sharp唔sharp下，看來sharp成為了各廠做鏡的必然指標，因而往往就忽略了其他可以發展的方向，令到鏡頭的感覺走向單一化，這也是我覺得無耐之處。


實用相關搜尋: Canon 影相

scottie_csp

由於c/n已在每個人心中根深蒂固，尤其是初學者，其他廠相對起來就會忽略。
師兄亦說得對，現在的鏡頭相對以前的反差更大，只得“銳利”兩個字可言。每張相講求所謂“銳利”的話，那麼，攝影原本的意義去了哪�堙H
說起感光值“iso”，擁有菲林機的我，感光值最高只會用400度。就算數碼，很少時間用得到1600度。除非經常夜攝，否則的話，400度已足夠應付平日攝影。

我想大家在選擇相機時，不止要對攝影的基本知識有所了解，還要認識一下每個牌子背後的歷史。如果盲目地去選購，就算給你拍到好的相片，但你卻永遠得不到心目中所要的。


熱門搜尋: criminal litigation dna crystal trophy

ivan-i30

文章實用，值得推介!


熱門搜尋: 結婚場地 結婚花車 通用網址 創傑作 野戰場地

aaron10hk2002

幫手推~
正野


熱門搜尋: 婚紗攝影 配音員

hk.cq

  買 邊 個 品 牌 都  無 問 題,  各 大 品 牌, 賣  機 前, QC 最  好, 做 好D, 唔 好  等 人 買 �� 之 後, 用 幾 用, 就 有 問  題！

品  質 唔  好, 個 牌 子,  比幾 多 錢, 賣 廣 告, 都  比 人 唱  衰 啦！


實用相關搜尋: 廣告

ansonleung

精品~
非常實用~


熱門搜尋: 申請牌照 web design sign

slimshadycwm

useful..................


熱門搜尋: 婚紗攝影

hk.cq

  各 位, 準 買 家, 買 機 前,  請  看, 看, 呢  幾 遍, 精 品 先！


熱門搜尋: nutrition

khkenny2

Where is the rest of the camera brands avaliable in the market ?
Pentax, Leica, Fujifilm, Epson, Samsung, Sigma, Panasonic?
Your review is not complete,please edit with the above brands included
Angry seeing those brands not included,especially when I AM A PENTAX USER!
Plus even Leica is not included,are you out of your mind?
How could such famous and legendary brand be out of the list?


實用相關搜尋: Samsung

老平

一開始講到明，我只係用過以上cammon的幾個牌子的機！同有friend係用緊，大都有交流過心德，同睇過佢地不同鏡出的相！所以才有這幾個牌子的cammon!
其他品牌未用過，所以真係唔方便比意見！但沒有不代表指不好！
師兄如果你用開pantex，都可以比下意見，歡迎發表，好等新人買機有多個參考，多個牌子選擇！

[ 本帖最後由 老平 於 2008-12-25 11:52 PM 編輯 ]


熱門搜尋: 意外傷亡賠償 感熱紙

yinbbq

多謝分享..聖誕快樂


熱門搜尋: 燈光音響 環保洗衣球 濾芯